Elordada Siriia jónindegi joǵary deńgeili 17-shi halyqaralyq kezdesý nátijeli aiaqtaldy. Bul týraly Astana protsesi aiasyndaǵy kezdesýdi qorytyndylaǵan QR SIM Taiaý, Orta Shyǵys jáne Afrika departamentiniń direktory Ońtalap Ońalbaev aitty, dep habarlaidy QazAqparat tilshisi.
«Búgin Astana protsesi aiasynda Siriia jónindegi joǵary deńgeili 17-shi halyqaralyq kezdesý nátijeli aiaqtaldy. Bárińizge málim, Astana protsesi 2017 jyldan bastap Qazaqstannyń Tuńǵysh Prezidenti - Elbasy Nursultan Nazarbaevtyń tikelei qoldaýymen júzege asyp kele jatyr. Bul protsess Siriia Arab Respýblikasynyń aýmaǵyndaǵy beibitshilik pen turaqtylyqty ornatý jolynda aitarlyqtai jetistikterge jetti», - dedi ol.
Sonymen qatar Ońtalap Ońalbaev Qazaqstan Prezidenti Qasym-Jomart Toqaev Astana protsesi qarýly qaqtyǵysty toqtaý men bosqyndardyń óz eline qaityp oralýyna qolaily jaǵdai jasap, taraptardyń ýaǵdalastyqty saqtaýy mańyzdy ekenin atap ótkenin eske saldy.
«Nátijesinde Nur-Sultanda ótken kelissózdiń 17-raýndy osy júieli, ári tiimdi jumystyń jalǵasy boldy dep nyq senimmen aitýǵa bolady», - dedi departament direktory.
