2019 jylǵy 1-2 tamyzda Nur-Sultan qalasynda Siriia boiynsha Astana protsesiniń joǵary deńgeidegi 13-shi halyqaralyq kezdesý ótedi, dep habarlaidy "Ult aqparat" SIM silteme jasap.
Aldaǵy kezdesýde kepilger elderi, iaǵni Iran, Resei jáne Túrkiia, sondai-aq Siriianyń úkimeti men qarýly oppozitsiiasy ókilderiniń qatysýy josparlanýda. Baqylaýshylar retinde BUU men Iordaniianyń, sondai-aq Siriiadaǵy daǵdarysty retteý jónindegi Astana protsesine alǵashqy ret qatysatyn Iraqpen Livannyń joǵary deńgeiindegi ókilderi siriiaaralyq kelissózderge septigin tigizedi.
Kezdesý Siriiadaǵy, ásirese Idlib provintsiiasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaitýǵa jáne saiasi protsesti odan ári ilgeriletýge, sondai-aq Siriia boiynsha konstitýtsiialyq komitetti qurý jáne iske qosý boiynsha jumysty aiaqtaýǵa basa nazar aýdarady.
1 tamyzda ekijaqty jáne kópjaqty, sonyń ishinde Siriianyń úkimeti men qarýly oppozitsiiasy ókilderiniń qatysýymen, aldyn-ala konsýltatsiialardyń ótkizilýi josparlanýda, al jalpy otyrys 2 tamyzda ótedi.
