WhatsApp-ta álemde dál 40 kún boiy aýa temperatýrasy Tselsii boiynsha 50 gradýsqa deiin kóteriletini týraly aqparat tarap jatyr. Mundai aýytqýshylyqtar ár 60 jyl saiyn bolyp turady eken. "Qazgidromet" bul málimetti joqqa shyǵardy. Stopfake sinoptikterdiń pikirin berdi.
Sinoptikter eń aldymen habarlamada qoldanylǵan terminologiiaǵa nazar aýdarǵan. «Mysyq kúnderi» degen termin meteorologiiada da, klimatologiiada da qoldanylmaidy.
"Sondai-aq habarlamada naqty aýa temperatýrasynyń 50 gradýsqa deiin kóteriletini boljanyp otyrǵan aimaqtar kórsetilmegen. Bir ýaqytta Jerdiń barlyq kontinentinde mundai jaǵdaidyń oryn alýy ekitalai. Mundai kúmándi pikirler habarlamanyń feik ekendiginiń belgisi. Ýaqyt pen geografiialyq belgilerdiń bolmaýynan ony kez kelgen jerde jáne kez kelgen ýaqytta taratýǵa bolady", - delingen maqalada.
Onda tipti bir aiǵa arnalǵan boljam 70% yqtimaldyqpen oryndalatynyn atap ótilgen. Messendjerlerde 60 jylda bir ret bolatyn anomaliiaǵa bailanysty temperatýranyń kúrt kóterilýi týraly aqparat jalǵan deidi. Óitkeni "álemniń eshbir elinde sinoptikter bir maýsymǵa boljam jasamaidy".
Alaida, "Qazgidromet" qazaqstandyqtardy qatty ystyq kútip turǵanyn joqqa shyǵarmaidy. Mysaly, Túrkistan oblysynda temperatýra 40 gradýsqa deiin kóteriledi, biraq ońtústik óńir úshin bul qalypty jaǵdai.
