Qazgidromet mamandary 11-13 jeltoqsanda aýa raiy qandai bolatynyn aitty, dep habarlaidy "Ult aqparat".
Sinoptikter boljamyna sáikes, Qazaqstannyń soltústik jáne shyǵys jartysynda aiaz bolady.
Soltústik-batysta kezekti antitsiklonnyń jyljýyna bailanysty aldymen batysta, sodan keiin Qazaqstannyń soltústiginde kún sýytady. Bul óńirlerde túngi ýaqytta synap baǵanasy 15-25 gradýsqa deiin tómendeidi.
Tek ońtústik óńirlerde áli jyly bolady – olarǵa ońtústik tsiklon áser etedi. Ońtústikte aýa temperatýrasy óte qolaily bolady dep boljandy.
Iri qalalardaǵy aýa raiy
Almatyda 11 jeltoqsanda kún ashyq, túnde -5°C, kúndiz +6°C jyly bolady. 12 jeltoqsanda kún bulttanyp, aýa temperatýrasy túnde 0°C, kúndiz +6°C kórsetedi.
13 jeltoqsanda kún ashyq, túnde -3°C, kúndiz +3°C jyly.
Nur-Sultanda 11 jeltoqsanda kún ashyq, túnde -11°C, kúndiz -5°C bolady. 12 jeltoqsanda kún bultty, túnde -15°C, kúndiz -9°C bolady. 13 jeltoqsanda elordada kún bultty bolady, túnde -19°C, kúndiz -14°C bolady.
Shymkentte 11 jeltoqsanda kún bultty, túnde +3°C, kúndiz +10°C bolady. 12 jeltoqsanda jańbyr jaýady, túnde -1°C, kúndiz +7°C bolady.
13 jeltoqsanda Shymkentte qar aralas jańbyr jaýady. Aýa temperatýrasy túnde +1°C, kúndiz +6°C kórsetedi.
