Japoniianyń burynǵy premer-ministri Sindzo Abeniń jerleý rásimi 12 shildede ótedi, - dep habarlaidy Tengrinews.kz tilshisi Kyodo baslymyna silteme jasap.
Jerleý rásimi saiasatkerdiń týǵan qalasy Simonosekide (Iamagýti prefektýrasy) ótedi.
Eske salaiyq, Sindzo Abege kóshede sóz sóilep turǵan jerinde belgisiz bireý oq atqany habarlanǵan bolatyn. Qarýly shabýyl 8 shildede jergilikti ýaqytpen 11.30-da bolǵan (elorda ýaqytymen 08.30). Oǵan eki márte oq atylyp, saiasatker aýrýhanada qaitys boldy. Keiin shabýyl jasaǵan kúdikti anyqtaldy.
Sindzo Abe 2006-2007 jáne 2012-2020 jyldary eki ret Japoniianyń premer-ministri qyzmetin atqarǵan.
2020 jyldyń 28 tamyzynda densaýlyǵynyń nasharlaýyna bailanysty premer-ministr qyzmetinen ketetinin málimdedi.
Aita keteiik, 2015 jyly Sindzo Abe Qazaqstanǵa kelgen.
