Foto: QR SIM
Syrtqy ister ministrliginiń resmi ókili Qazaqstanǵa kirýge ruqsat etilmegen tulǵalar tizimi týraly aitty, - dep habarlaidy Tengrinews.kz saity.
"Soǵys bastalǵaly beri (Resei men Ýkraina. - esk.) SIM Qazaqstan týraly teris pikir bildirgen jáne Ýkrainamen arada qandai da bir keleńsizdik týdyrǵysy kelgen adamdardyń tizilimin jasap jatqan joq pa?", - dep surady jýrnalist SIM brifinginde.
"Árine, biz bul tizimdi júrgizemiz, biraq ony ashyq jariialamaimyz. Oǵan kirgen adamdardyń sanyn da aita almaimyn. Shekara jabylyp, beri kire almaidy", - dedi SIM ókili Aibek Smadiiarov.
Jýrnalister buǵan deiin "Resei Qazaqstanǵa shabýyl jasaýǵa májbúr bolady" dep málimdegen reseilik endokrinolog týraly da surady. BAQ ókilderi onyń persona non grata tizimine qosylýy týraly surady.
"Milliondaǵan aýditoriiasy bar endokrinolog dárigerge úlken sálem. Ol qajetsiz nárselerdi aitqannan góri adamdardy emdep, óz kásibimen ainalyssyn. Reseimen óte jaqsy qarym-qatynastamyz, tatý kórshimiz jáne dostyq strategiialyq memleketter retinde jumys isteimiz", - dedi Smadiiarov jýrnalisterdiń suraqtaryna jaýap bere otyryp.
video: QR SIM
