Qazaqstan tarapy Ózbekstandaǵy sońǵy oqiǵalarǵa qatysty málimdeme jasady, - dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
"Ózbekstan – Qazaqstan úshin baýyrlas memleket, senimdi odaqtas jáne strategiialyq seriktes. Sondyqtan Qazaqstanda sońǵy kúnderi Ózbekstan Respýblikasynda oryn alǵan oqiǵalardy alańdaýshylyqpen qabyldady.
Ózbekstan basshylyǵynyń Qaraqalpaqstan Respýblikasyndaǵy jaǵdaidy turaqtandyrý boiynsha sheshimderin quptaimyz ári qoldaimyz.
Baýyrlas Ózbekstanda asa mańyzdy saiasi oqiǵa – Konstitýtsiiaǵa túzetýler jónindegi referendým qarsańynda – beibitshilik pen tynyshtyq ornyǵatynyna senimdimiz.
Qazaqstan Ózbekstanmen 1998 jylǵy 31 qazandaǵy Máńgilik dostyq týraly shart, 2013 jylǵy 14 maýsymdaǵy Strategiialyq áriptestik týraly shart jáne 2021 jylǵy 6 jeltoqsandaǵy Odaqtastyq qatynastar týraly deklaratsiia rýhyndaǵy kópsalaly yntymaqtastyqty damytý men nyǵaitý baǵytyna bekem", - delingen málimdemede.
