ShYU-ǵa múshe memleketteriniń «Beibit missiia» birlesken lańkestikke qarsy komandalyq-shtabtyq oqý-jattyǵýyna daiyndalý sheńberinde Qytai ult azattyq áskeriniń bólimsheleri QR aýmaǵy arqyly temirjol eshelonymen Resei Federatsiiasy, Cheliabi oblysynyń Shubarkól poligonyna barady. Bul týraly Qazaqstan Respýblikasy Qorǵanys ministrliginiń baspasóz qyzmeti habarlady.
Júrý baǵyty Dostyq-Aqtoǵai-Aiagóz-Aýyl-Lokot marshrýty, ári qarai Resei Federatsiiasynyń aýmaǵy arqyly ótedi. QHR-dyń eshelondaryna Qazaqstan Respýblikasynyń búkil aýmaǵynda «Shyǵys» óńirlik qolbasshylyǵynyń qaraýyly erip júredi.
Budan buryn habarlanǵandai, «Beibit missiia» oqý-jattyǵýyna ShYU Úndistan, Qazaqstan, Qyrǵyzstan, Qytai, Pákistan, Resei, Tájikstan jáne Ózbekstan memleketteri qarýly kúshteriniń 3 myńnan asa áskeri qyzmetshisi jáne 500-den asa birlik qarý-jaraq pen áskeri tehnika tartyldy.
Oqý-jattyǵýdyń nietine sáikes lańkesterdiń bilikti nemese memleketterdiń biriniń aýmaq bóligin basyp alýy jaǵdaiynda qatysýshy elder qarýly kúshteriniń birlesken is-qimyldaryn pysyqtaý qarastyrylǵan.
QR Qarýly Kúshteriniń eshelondaryn a.j. 18 tamyzda oqý-jattyǵýdyń ótkizilý ornyna jiberý josparlanýda.
