Tashkente Shanhai yntymaqtastyq uiymynyń (ShYU) otyrysy bolyp, onda ekonomikalyq qyzmettesýdiń 2035 jylǵa deiingi jańa baǵdarlamasy bekitildi. Bul týraly uiymnyń bas hatshysy Vladimir Norov habarlady, dep jazdy «Kýrsiv» basylymy.
Qoldanystaǵy strategiia 2003 jyldan 2023 jylǵa deiingi merzimge jasalǵan bolatyn, qazir onyń aiaqtalatyn kezi de jaqyndap qaldy. Jańa joba ony kezeń-kezeńmen júzege asyrýǵa arnalǵan. Vladimir Norovtyń aitýynsha, 2025 jylǵa deiin ShYU elderi innovatsiialyq jáne «jasyl» tehnologiialardy paidalanatyn baǵdarlamalardy daiyndaidy jáne júzege asyra bastaidy. 2030 jylǵa deiin saýda men investitsiialar salasyndaǵy jańa erejelerdi daiyndaý, sondai-aq qyzmetter men internet-kommertsiiany ilgeriletý josparlanyp otyr.
Qorytyndy kezeńde uiym elderi básekelestikti kóterýge jáne internet-tehnologiialardy engizý men taýarlardyń, kapital men qyzmetterdiń erkin qozǵalýyna jaǵdai jasaý arqyly ekonomikalardyń tsifrlyq jańarýyn qamtamasyz etýge baǵyt alyp otyr.
Tashkenttegi ShYU-nyń sessiiasyna baǵa bergen Sankt-Peterbýrgtegi Eýropalyq ýniversitettiń professory, saiasi ǵylymdar doktory Grigorii Golosov, «Kýrsivpen» bolǵan áńgime barysynda, uiym aiasyndaǵy ýaǵdalastyqtardyń sonshalyqty naqtylanbaityndyǵyn atap ótken.
ShYU - 2001 jyly Qytai, Resei, Qazaqstan, Tájikstan, Qyrǵyzstan men Ózbekstan kóshbasshylary negizin qalaǵan halyqaralyq uiym. 2017 jyldan oǵan Úndistan men Pákistan qosyldy. ShYU-da memleket basshylary, úkimet basshylary, syrtqy ister ministrleri keńesteri jumys isteidi. Uiymnyń negizgi maqsattary: qaýipsizdikti jáne ekonomikalyq damýdy qamtamasyz etý.
