Jánibek Jetirýovtyń «Shyńyraý» atty kórkem filmi halyqaralyq «FIFF» kinofestivaliniń konkýrstyq baǵdarlamasyna qatysady, dep habarlaidy "Ult aqparat".
«Qazaqfilm» kinostýdiiasynyń baspasóz qyzmetiniń habarlaýynsha, festival 2019 jylǵy sáýirdiń 18-26 aralyǵynda Irannyń astanasy Tegeranda ótedi.
Ábish Kekilbaevtyń «Shyńyraý» povesiniń jelisi boiynsha túsirilgen kartina qudyq qazýshy Eńseptiń oqiǵasyn baiandai otyryp, menmendik, baqtalastyq, mahabbat, dostyq, qastandyq syndy adamǵa tán qubylystardy kóteredi.
«Film kinofestival qazylarynyń talaptaryna sai kelip qana qoimai, sonymen qatar kórermenderdiń de kóńilinen shyǵatynyna senimdimin. Sebebi filmge arqaý bolǵan tyń taqyryp, qupiia men syrǵa toly kasietti Mańǵystaýdyń ǵajaiyp tabiǵaty shyǵarmanyń boiaýyn qanyqtyryp, oǵan tereń astar júktedi», - dedi filmniń rejisseri Jánibek Jetirýov.
Atalǵan film Bangladeshtiń Dakka qalasynda ótken 17-shi HKF úzdik operatorlyq jumys nominatsiiasy boiynsha jeńiske jetken.
Anyqtama:
- Óndirisi: Sh.Aimanov atyndaǵy «Qazaqfilm» AQ
- Jyly: 2018
- Tili: Qazaq
- Qoiýshy rejisseri: Jánibek Jetirýov
- Stsenarii avtory: Jánibek Jetirýov
- Qoiýshy operatory: Rifkat Ibragimov
- Qoiýshy sýretshisi: Murat Káripov
- Kompozitory: Arman Jaiym
