جەنٸبەك جەتٸرۋوۆتىڭ «شىڭىراۋ» اتتى كٶركەم فيلمٸ حالىقارالىق «FIFF» كينوفەستيۆالٸنٸڭ كونكۋرستىق باعدارلاماسىنا قاتىسادى, دەپ حابارلايدى "ۇلت اقپارات".
«قازاقفيلم» كينوستۋديياسىنىڭ باسپاسٶز قىزمەتٸنٸڭ حابارلاۋىنشا, فەستيۆال 2019 جىلعى سەۋٸردٸڭ 18-26 ارالىعىندا يراننىڭ استاناسى تەگەراندا ٶتەدٸ.
ەبٸش كەكٸلباەۆتىڭ «شىڭىراۋ» پوۆەسٸنٸڭ جەلٸسٸ بويىنشا تٷسٸرٸلگەن كارتينا قۇدىق قازۋشى ەڭسەپتٸڭ وقيعاسىن بايانداي وتىرىپ, مەنمەندٸك, باقتالاستىق, ماحاببات, دوستىق, قاستاندىق سىندى ادامعا تەن قۇبىلىستاردى كٶتەرەدٸ.
«فيلم كينوفەستيۆال قازىلارىنىڭ تالاپتارىنا ساي كەلٸپ قانا قويماي, سونىمەن قاتار كٶرەرمەندەردٸڭ دە كٶڭٸلٸنەن شىعاتىنىنا سەنٸمدٸمٸن. سەبەبٸ فيلمگە ارقاۋ بولعان تىڭ تاقىرىپ, قۇپييا مەن سىرعا تولى كاسيەتتٸ ماڭعىستاۋدىڭ عاجايىپ تابيعاتى شىعارمانىڭ بوياۋىن قانىقتىرىپ, وعان تەرەڭ استار جٷكتەدٸ», - دەدٸ فيلمنٸڭ رەجيسسەرٸ جەنٸبەك جەتٸرۋوۆ.
اتالعان فيلم بانگلادەشتٸڭ داككا قالاسىندا ٶتكەن 17-شٸ حكف ٷزدٸك وپەراتورلىق جۇمىس نوميناتسيياسى بويىنشا جەڭٸسكە جەتكەن.
انىقتاما:
- ٶندٸرٸسٸ: ش.ايمانوۆ اتىنداعى «قازاقفيلم» اق
- جىلى: 2018
- تٸلٸ: قازاق
- قويۋشى رەجيسسەرٸ: جەنٸبەك جەتٸرۋوۆ
- ستسەناريي اۆتورى: جەنٸبەك جەتٸرۋوۆ
- قويۋشى وپەراتورى: ريفكات يبراگيموۆ
- قويۋشى سۋرەتشٸسٸ: مۇرات كەرٸپوۆ
- كومپوزيتورى: ارمان جايىم
