Shymkentte aidyń-kúnniń amanynda aialdamada kele jatqan áiel asfalttyń oiyǵyna túsip ketti, dep habarlaidy Ulysmedia.kz.
Oqys jaǵdai “Nursát” yqsham aýdanynda ornalasqan №80 mektep mańyndaǵy aialdamada bolǵan. Betonmen jabylǵan asfalttyń oiylyp qalǵan tusyn keiýana baiqamaǵan.
Sonyń saldarynan onyń aiaǵy jol boiyndaǵy oiyqqa túsip ketti. Áiel adam ózdiginen aiaǵyn shyǵara almai, qutqarýshylar shaqyrýǵa týra kelgen. Olar betondy syndyryp, zardap shekken áieldiń aiaǵyn shuńqyrdan shyǵardy.
Oqiǵa ornyna jetken jedel járdem qyzmetkerleri oǵan qajetti meditsinalyq kómek kórsetken.
Jeli qoldanýshylary zardap shekken áieldi qalalyq ákimdikti sotqa berýge shaqyrdy. Kópshiligi bul oiyqqa mektep oqýshylary qulap ketse, jaǵdai qaiǵyly aiaqtalýy múmkin ekenin aitady.
