Osydan nebary 18 kún buryn ǵana dúniege kelgen sábi úshemniń biri edi. Túrkistan oblystyq qoǵamdyq densaýlyq basqarmasynyń málimetinshe, jarylys kezinde №1 perinataldyq ortalyqta eki júzden asa adam bolǵan, dep habarlaidy QazAqparat.
«Shymkent qalasyndaǵy №1 oblystyq perinataldyq ortalyqta jarylys kezinde 189 patsient pen 65 qyzmetker bolǵan. Jarylys saldarynan ortalyqtyń kúzetshisi jáne 1 náreste kóz jumdy. Shetinegen sábi 18 kún buryn týǵan. Taǵy 8 adam zardap shegip, qalanyń meditsinalyq mekemelerine jatqyzyldy. Atap aitqanda, oblystyq klinikalyq aýrýhanaǵa, qalalyq №1 jáne №2 aýrýhanaǵa jatqyzyldy», - delingen basqarma habarlamasynda.
Túrkistan oblysy ákiminiń baspasóz qyzmetinen málim bolǵanyndai, Ómirzaq Shókeev tiisti organdarǵa qaitys bolǵan kúzetshiniń otbasyna materialdyq kómek berý, iaǵni jerleý rásiminiń shyǵynyn tolyq kóterýdi tapsyrdy.
Aita keteiik, buǵan deiin Shymkenttegi perinataldyq ortalyqtyń qasyndaǵy dári saqtaityn eki qabatty ǵimaratta jarylys bolǵanyn habarladyq. Perzenthana ǵimaraty men turǵyn úige zaqym kelip, ondaǵy adamdar qaýipsiz jerge kóshirilgen edi.
