Shymkent qalalyq tótenshe jaǵdailar departamentiniń basshysy Madiiar Jaqsybaev jeke menshik dárihanada bolǵan jarylystyń mán-jaiyn aityp berdi, dep habarlaidy Sputnik Qazaqstan agenttigi.
Qutqarýshylar "Mejbolnichnaia 138 apteka" JShS direktorymen sóilesip, ǵimaratta qandai zattardyń saqtalǵanyn suraǵan. Kásipkerdiń aitýynsha, ishinde gaz balony bolmady.
Fýratsilin siiaqty dári-dármekti jasaýǵa qajetti sýteginiń asqyn totyǵy kóp mólsherde saqtaldy.
"Iesi, shamamen eki tonna sýteginiń asqyn totyǵy bolǵanyn aitty. Sonyń bári 12 litrlik ydystarda saqtaldy", - dedi Jaqsybaev arnaiy brifingte.
Qazirgi kezde jaqyn turǵan perinataldyq ortalyqtan 100-den astam júkti áiel men bala basqa perzenthanaǵa kóshirildi. Meditsina qyzmetkerleri de bar.
"Sondai-aq, jaqyn turǵan bes qabatty úiden 15-20 adamdai qaýipsiz jerge shyǵaryldy. Besinshi qabatta bir páterdiń terezesi men balkony buzylǵan. Abyroi bolǵanda sol kezde iesi úide bolǵan joq", - dep atap kórsetti Jaqsybaev.
Aitýynsha, dárihana búgin jumys istemegen. Ishinde jumysshylar bolmady. Osy ýaqytqa deiin bir ǵana adamnyń máiiti tabyldy.
Jaqsybaevtyń sózine qaraǵanda, ol - 48 jastaǵy qala turǵyny, aldyn ala málimetke sáikes, kúzetshi bolyp jumys istegen.
Aita keteri, búgin Shymkent qalasynda aýrýhanany qajetti preparattarmen qamtamasyz etetin dárihanada jarylys boldy.
"Mejbolnichnaia 138 apteka" JShS-ine tiesili ǵimarattyń jalpy aýdany – 360 sharshy metr. Tilsiz jaý 55 sharshy metrdi sharpyǵan. Jarylystyń saldarynan ǵimarattyń 130 sharshy metri qirady.
"Jaqyn turǵan bes qabattyń úidegi páterdiń terezeleri men balkony buzyldy. Sondai-aq, 7 kólikke zaqym keldi", - delingen resmi habarlamada. Úiindi arasynan denesi kúigen er adamnyń máiiti tabyldy.
Jarylys saldaryn joiýǵa TJ departamentiniń 37 qyzmetkeri men 9 tehnika tartyldy.
