Foto: ashyq derekkóz
Shymkentte kólik soqtyǵysýynan bastalǵan janjal Rysqulov pen Erimbetov kósheleriniń qiylysynda jappai tóbeleske ulasyp, sońy adam ólimimen aiaqtaldy: 1985 jyly týǵan Vasilii Kolesnikov qaza tapty, dep habarlaidy Ult.kz Kznews.kz saityna silteme jasap.
Marqumnyń ákesi Aleksandr Kolesnikov ulynyń otbasy úshin ǵana emes, kórshi-qolańǵa da syily bolǵanyn aitady. Onyń sózinshe, Vasilii ainalasyna qamqor, sportty serik etken azamat bolǵan. Ákesi ulynyń islam dinin qabyldaǵanyn da atap ótip, múmkindigi shekteýli kórshi balaǵa únemi syi-siiapat jasap turatynyn jetkizdi.
Qaraly shańyraqtyń qaiǵysy munymen bitpegen. Aitýynsha, olar budan bir jyl buryn otbasyndaǵy anadan aiyrylǵan, endi úidiń tiregi bolǵan ulynan kóz jazyp otyr. Ákesi bul aýyr habardy kishi balalarynan jasyrýǵa májbúr bolǵanyn aitty.
«Ulymnyń orny oisyrap qaldy. Bir jyl buryn áielimnen aiyrylyp qalǵan edim, endi ulym joq. Tórt ulym bar, endi úsheýi qaldy. Kishilerge aitpadym, kólik apatynan qaza tapty dedim. Al shynynda pyshaqtan, kisi qolynan qaza tapty. Orny oisyrap tur»,- dedi ákesi.
Politsiia oqiǵaǵa qatysty qylmystyq is qozǵaǵan. Qazir kúdiktiler qamaýǵa alynyp, tergeý amaldary jalǵasyp jatyr.
