Shymkentte «Jelbire meniń jalaýym!» atty patriottyq shara ótti. Ol Memlekettik rámizder kúnine arnaldy, dep habarlaidy "Ult aqparat".
Qalalyq ishki saiasat jáne din isteri basqarmasynyń Rýhani jańǵyrý bólimi uiymdastyrǵan aktsiiada jastar QR Memlekettik ánuranyn shyrqap, turǵyndarǵa jalaýshalar taratyldy. Sondai-aq, elimizdiń týy men eltańba, ánurany jaiynda saýalnama júrgizildi.
«Ulttyq nyshandaǵy merekeniń mereii ústem. Kók týdy teńdigimizge, eltańbamyzdy, ánuranymyzdy biik tuǵyrymyzǵa balaimyz. Biraq elimizde tótenshe jaǵdai toqtaǵanymen, karantindik shekteýler alynǵan joq. Soǵan bailanysty aktsiiany qaýipsizdik sharalaryn saqtai otyryp, ótkizip jatyrmyz. Ulttyq rýhty oiatatyn merekelik estafeta ótken, aldyńǵy jyldary qolǵa alynǵan bolatyn. Biylǵy chellendjge de kez kelgen otansúigish azamat qatysa alady»,-dedi rýhani jańǵyrý bóliminiń meńgerýshisi Záýre Oralbaeva.
Ultymyzdyń ulylyǵyn, tarihymyzdyń qasietin tanytatyn aktsiia sonymen qatar «Abai» saiabaǵy, «Arbat» demalys aimaǵy «Dendrosaiabaq», Eńbekshi aýdanyndaǵy «Sever» saýda ortalyǵynda jalǵasyn tapty.
