Shymkent TJD
Shymkent qalasynda aýrýhanany qajetti preparattarmen qamtamasyz etetin dárihanada jarylys bolyp, kúzetshi qaza tapty. Aldyn-ala málimetter boiynsha, jarylysqa gazdyń jinalýy sebep bolǵan, dep habarlaidy "Ult aqparat".
Politsiia departamenti usynǵan málimetke sáikes, búgin saǵat 12:06-da "102"-ge Ǵani Iliaev kóshesindegi jarylys týraly habar túsken.
"Oqiǵa ornyna Shymkent PD basshylyǵy, jedel-tergeý toby men TJD qyzmetkerleri shyqty. Jarylys saldarynan aýrýhanaaralyq 138 dárihananyń ǵimaraty qiraǵany anyqtaldy, onda tuzdy eritindi óndiriledi. Jarylystan bolǵan órtti TJD qyzmetkerleri tolyǵymen oqshaýlady.
Oqiǵa ornynda kúzetshi qaza boldy. Jaraqat alǵan basqa eshkim joq", - dep habarlaidy qalalyq PD baspasóz qyzmeti ókilderi.
Aita keteiik, mekemeniń ataýy - "Mejbolnichnaia 138 apteka" JShS. Ol jerde aýrýhanalarǵa arnalǵan em-dom jasalady. Dárihana perinataldyq ortalyqtyń mańynda ornalasqan.
