© Sputnik / Vladislav Vodnev
Qarataý aýdanynda bir úidiń úsh balasy kóliktiń júk salatyn bóligine kirip, shyǵa almai qalǵan. Ekeýi oqiǵa ornynda kóz jumdy. Úshinshisi aýrýhanaǵa jetkizilgenimen, ony aman alyp qalý múmkin bolmady, dep habarlaidy QazAqparat.
«19 mamyrda Qarataý aýdandyq politsiia basqarmasynyń 102 pýltine úsh kishkentai balanyń avtokóliktiń júk salǵyshynda tunshyqqany týraly habarlama kelip tústi. Politsiia qyzmetkerleri oqiǵa ornyna birden shyqty. Anyqtalǵandai, ata-anasy úide bolmaǵan. Balalar júk salǵyshqa kirip, qaqpaǵyn jaýyp alady. Sodan keiin qaita shyǵa almai tunshyǵyp qalypty. Ekeýi oqiǵa ornynda qaitys boldy, al úshinshi bala búgin reanimatsiiada kóz jumdy», - dep habarlady Shymkent qalasy politsiia departamentiniń baspasóz qyzmeti.
Kórshileriniń aitýynsha, kólik eskirip, aýlada turǵan. Aǵaiyndy úsheýdiń ekeýi - ul, bireýi - qyz. Eki bala mektep jasynda bolǵan.
PD baspasóz qyzmeti atalǵan jait boiynsha sotqa deiingi tergeý amaldary bastalǵanyn málim etti. Oqiǵanyń barlyq mán-jaiy anyqtalady.
