Shymkent qalasynyń ákimdigi karantinniń uzartylýyna bailanysty jergilikti biýdjetti ońtailandyrý nátijesinde 11,2 mlrd teńgeni únemdedi. Qala máslihatynyń kezekten tys 68 sessiiasynda depýtattar biýdjettik baǵdarlamaákimshileri usynǵan biýdjet qarjysyn biraýyzdan bekitti, dep habarlaidy "Ult aqparat".
Máslihatqa qatysqan qala ákimi Murat Áitenov únemdelgen qarajattyńbasym bóligi meditsinalyq uiymdardyń materialdyq-tehnikalyq bazasyn nyǵaitý men azamattarǵa áleýmettik kómek kórsetýge jumsalatynyn atap ótti.
«Qysqartylǵan qarjy negizinen mádeni is-sharalardy ótkizýden, qyzmettik issapar shyǵyndarynan, mekemelerdińmaterialdyq-tehnikalyq bazasyn nyǵaitýdan ońtailandyryldy. Aita ketý kerek, karantin shekteýlerine qaramastan qalalyq biýdjettiń kirisi tómendegen joq. Máselen, qalalyq biýdjettiń ózindik kirisi 21,8 mln teńgege ulǵaiyp, 133 mlrd teńgege jetti. Qaladaǵy ekonomikalyq ósimdi qaita qalpyna keltirý boiynsha keshendi jospar júzege asyrylyp jatyr»,-dedi qala basshysy.
Naqtyraq aitsaq, qysqartylǵan qarjynyń 3 359,3 mln teńgesi - meditsinalyq uiymdardyń materialdyq-tehnikalyq bazasyn nyǵaitýǵa jumsalsa, 219,1 mln teńge - azamattarǵa áleýmettik kómek kórsetýge baǵyttalmaq.
Sonymen qatar 989,8 mln teńge - bilim salasyndaǵy mektepter men mektep-internattardy materialdyq-tehnikalyq jańǵyrtýǵa, 111,7 mln teńge - alty kópqabatty turǵyn úidiń 12 lift qondyrǵysyn aýystyrýǵa jumsalady.
Qalǵan qarjy shaǵyn aýdandardaǵy infraqurylym máselesi men abattandyrýǵa qajet.
