شىمكەنت قالاسىنىڭ ەكٸمدٸگٸ كارانتيننٸڭ ۇزارتىلۋىنا بايلانىستى جەرگٸلٸكتٸ بيۋدجەتتٸ وڭتايلاندىرۋ نەتيجەسٸندە 11,2 ملرد تەڭگەنٸ ٷنەمدەدٸ. قالا مەسليحاتىنىڭ كەزەكتەن تىس 68 سەسسيياسىندا دەپۋتاتتار بيۋدجەتتٸك باعدارلاماەكٸمشٸلەرٸ ۇسىنعان بيۋدجەت قارجىسىن بٸراۋىزدان بەكٸتتٸ, دەپ حابارلايدى "ۇلت اقپارات".
مەسليحاتقا قاتىسقان قالا ەكٸمٸ مۇرات ەيتەنوۆ ٷنەمدەلگەن قاراجاتتىڭباسىم بٶلٸگٸ مەديتسينالىق ۇيىمداردىڭ ماتەريالدىق-تەحنيكالىق بازاسىن نىعايتۋ مەن ازاماتتارعا ەلەۋمەتتٸك كٶمەك كٶرسەتۋگە جۇمسالاتىنىن اتاپ ٶتتٸ.
«قىسقارتىلعان قارجى نەگٸزٸنەن مەدەني ٸس-شارالاردى ٶتكٸزۋدەن, قىزمەتتٸك ٸسساپار شىعىندارىنان, مەكەمەلەردٸڭماتەريالدىق-تەحنيكالىق بازاسىن نىعايتۋدان وڭتايلاندىرىلدى. ايتا كەتۋ كەرەك, كارانتين شەكتەۋلەرٸنە قاراماستان قالالىق بيۋدجەتتٸڭ كٸرٸسٸ تٶمەندەگەن جوق. مەسەلەن, قالالىق بيۋدجەتتٸڭ ٶزٸندٸك كٸرٸسٸ 21,8 ملن تەڭگەگە ۇلعايىپ, 133 ملرد تەڭگەگە جەتتٸ. قالاداعى ەكونوميكالىق ٶسٸمدٸ قايتا قالپىنا كەلتٸرۋ بويىنشا كەشەندٸ جوسپار جٷزەگە اسىرىلىپ جاتىر»,-دەدٸ قالا باسشىسى.
ناقتىراق ايتساق, قىسقارتىلعان قارجىنىڭ 3 359,3 ملن تەڭگەسٸ - مەديتسينالىق ۇيىمداردىڭ ماتەريالدىق-تەحنيكالىق بازاسىن نىعايتۋعا جۇمسالسا, 219,1 ملن تەڭگە - ازاماتتارعا ەلەۋمەتتٸك كٶمەك كٶرسەتۋگە باعىتتالماق.
سونىمەن قاتار 989,8 ملن تەڭگە - بٸلٸم سالاسىنداعى مەكتەپتەر مەن مەكتەپ-ينتەرناتتاردى ماتەريالدىق-تەحنيكالىق جاڭعىرتۋعا, 111,7 ملن تەڭگە - التى كٶپقاباتتى تۇرعىن ٷيدٸڭ 12 ليفت قوندىرعىسىن اۋىستىرۋعا جۇمسالادى.
قالعان قارجى شاعىن اۋداندارداعى ينفراقۇرىلىم مەسەلەسٸ مەن اباتتاندىرۋعا قاجەت.
