Foto: Gov.kz
Shymkentte 27 qarasha kúni qaladaǵy sońǵy soǵys ardageri Murataly Tólepbergenuly dúnieden ótti, dep habarlaidy Ult.kz.
Ekinshi dúniejúzilik soǵystyń jaýyngeri biyl mamyr aiynda jaqyndarynyń ortasynda Uly Jeńistiń 80 jyldyǵyn ǵana emes, óziniń 100 jyldyq mereitoiyn da atap ótken edi.
Murataly Tólepbergenuly 1943 jyly 18 jasynda maidanǵa attanǵan. Ol 339-shy tankige qarsy artilleriialyq bólimniń quramynda radist bolyp qyzmet etti.
«Murataly Tólepbergenuly Brestten bastap, Ýkraina men Polsha jerlerinde shaiqasqan, Germaniiaǵa deiin barǵan. Jeńisten keiin taǵy bes jyl okkýpatsiialyq ásker qatarynda áskeri qyzmetin jalǵastyrǵan», — delingen habarlamada.
Kórsetken erligi men batyldyǵy úshin ol II dárejeli «Otan soǵysy» ordenimen, «Erligi úshin», «Varshavany azat etý úshin» jáne «1941-1945 jyldardaǵy Uly Otan soǵysynda Germaniiany jeńgeni úshin» medaldarymen marapattalǵan.
Ardager ómiriniń sońǵy jyldary turǵan Túlkibas aýdanynda áskeri qurmetpen jerlendi.
