Shymkentte tún ishinde kópqabatty úilerdiń aýlasynan urlanǵan qyz tabyldy. Ony urlaǵan jigitter boijetkendi úilený úshin alyp qashqan bolyp shyqty, dep habarlaidy "Ult aqparat".
Qalalyq PD baspasóz qyzmetiniń málimetinshe, qyzdy alyp qashqandar men boijetken politsiiaǵa jetkizildi. Kriminaldyq politsiia basqarmasynyń qyzmetkerleri jedel-izdestirý is-sharalaryn júrgizý barysynda qyzdy alyp qashqandardyń jáne qyzdyń kim ekenin anyqtap, olardy Túrkistan oblysynyń aýmaǵynan Politsiia basqarmasyna alyp kelgen. Tekserý barysynda er adam úilený maqsatynda eki dosynyń kómegimen qyzdy alyp qashqany belgili boldy. Olardyń barlyǵy Túrkistan oblysynyń turǵyndary.
«Sol túni meni 18 móltek aýdanda syrttai tanityn er azamat maǵan úilený maqsatynda óziniń dostarymen avtokólikke kúshtep otyrǵyzyp, úiine alyp ketti. Osy kúnge deiin men sol er adamnyń úiinde boldym. Maǵan zorlyq-zombylyq is-áreketter jasalǵan joq. Meniń jaǵdaiym jaqsy», - dedi jábirlenýshi azamatsha.
Eske salsaq, 29 naýryzda áleýmettik jelide qaladaǵy kópqabatty úilerdiń biriniń aýlasynda belgisiz tulǵalar qyzdy avtokólikke kúshtep otyrǵyzyp alyp ketkendigi týraly beinejazba taraǵan bolatyn. Sol kúni atalǵan derek boiynsha QR QK-niń 126-babynyń 2-bóliginiń 1- tarmaǵymen (bas bostandyǵynan zańsyz aiyrý) sotqa deiingi tergep-tekserý amaldary júrgizildi. Qazirgi ýaqytta tergeý amaldary jalǵasýda. Alyp qashýǵa qatysqan barlyq qatysýshylar eshqaida ketpeý týraly qolhatqa qol qoidy. Al, avtokólikteri aiypturaqqa qoiyldy.
