Shymkentte 4 jasar búldirshin baiqaýsyzda tórtinshi qabattan qulap ketti. Jedel túrde aýrýhanaǵa jetkizilgenimen ol qaitys boldy, dep habarlaidy QazAqparat.
Shymkent qalasy TJD málimetinshe, qaiǵyly jaǵdai Gagarin kóshesiniń boiyndaǵy 5 qabatty turǵyn úide oryn alǵan. Tórt jasar ul bala ata-anasynyń qaraýynsyz qalyp, 4-shi qabattaǵy baspaldaq aralyǵyndaǵy terezeden qulaǵany anyqtaldy. Oqiǵa ornyna Shymkent qalasy TJ departamentiniń mamandary baryp, mán-jaidy surastyryp bilgen. Qazir bul jaǵdaimen politsiia ainalysyp jatyr.
Aita keteiik, úshinshi megapoliste jyl basynan beri balalardyń terezeden qulaýynyń 7 jaǵdaiy tirkelgen. Tórt jaǵdaida balalar qaitys bolsa, úsheýinde balalar túrli dene jaraqatyn alǵan.
