Shymkentte júk kóligi teplovozben soqtyǵysty. Apat saldarynan Volvo júk kóligi joldan shyǵyp ketken, dep habarlaidy QazAqparat.
Temirjoldaǵy apat búgin kúndiz 15:30-da «Toǵys- Leńgir» temirjolynyń 17-shi shaqyrymynda bolǵan. Jiyrma vagon tielgen teplovoz toqtap qalǵan. Biraq eki júrgizýshi de aman. Kýágerler bul jaǵdaidy uialy telefondarynap túsirip, áleýmettik jelige taratty. Qazir bul derek boiynsha qalalyq Politsiia departamentiniń qyzmetkerleri tekserý sharalaryn bastap ketti.
Júk kóligin tizgindegen júrgizýshi Túrkistan oblysy, Tólebi aýdanyna qarasty Jylanbuzǵan aýylynyń turǵyny ekeni anyqtaldy.
Shymkent qalalyq Patrýldi politsiia polkynyń qyzmetkerleri tarapynan júrgizýshige qatysty QR ÁQBtK-niń 610 babymen «Kólik quraldary júrgizýshileriniń jol júrisi qaýipsizdigin qamtamasyz etýdiń belgilengen qaǵidalaryn kólik quraldaryn, júkterdi, joldardy, jol qurylystary men basqa qurylystardy nemese ózge de múlikti búldirýge ákep soqqan, materialdyq zalal keltirgen buzýshylyǵy» ákimshilik is qozǵaldy.
