Foto: Ashyq derekkóz
Shymkentte politsiia qyzmetkeri kóligimen adam qaǵyp óltirdi, dep habarlaidy qalalyq politsiia departamenti.
Belgili bolǵanyndai, oqiǵa 28 tamyzda Jeltoqsan kóshesinde bolǵan.
"Áiel adam aǵashtardyń arasynan kenetten júgirip shyǵyp, ruqsat etilmegen jerden joldy kesip ótpek bolǵan", - dep jazylǵan habarlamada.
Oqiǵaǵa qatysty qylmystyq is qozǵaldy. Politsiia kúdikti jol erejesin buzbaǵanyn aitady.
"Ol masań kúide bolmaǵan jáne jyldamdyq rejimin saqtaǵan. Qazirgi tańda keshendi tergeý is-sharalary júrgizilýde. Onyń qorytyndysy boiynsha protsessýaldyq sheshim qabyldanady", - deidi vedomstvo qyzmetkerleri.
