Illiýstratsiialyq foto: KAZ.NUR.KZ/Vladimir Tretiakov
Shymkentte merzimdi áskeri qyzmettegi sarbaz júregi toqtap, qaitys boldy, dep habarlaidy Zakon.kz-ke silteme jasap Ult.kz.
Ol Shymkenttegi QR Ulttyq ulanynyń 6506 áskeri bóliminde áskeri boryshyn ótep jatqan.
Ulttyq ulannyń baspasóz qyzmeti habarlaǵandai, qaza tapqan sarbaz Taraz áskeri komissariatynan áskerge alynǵan.
"Jambyl oblysynyń qorǵanys isteri jónindegi departamentinen (Taraz q.) shaqyrylǵan áskeri qyzmetshi merzimdi áskeri qyzmet ótkerý kezeńinde meditsinalyq kómekke júginip, dárigerler baqylaýynda bolǵan jáne Shymkent qalasynyń emdeý mekemelerinde tekserýden ótken. 2026 jyldyń 6 qańtarynda merzimdi áskeri qyzmetshiniń júregi kenetten toqtap qaldy. Jasalǵan reanimatsiialyq sharalarǵa qaramastan, ol qalalyq aýrýhanalardyń birinde qaitys boldy", delingen habarlamada.
Aldyn ala diagnozy – "jedel leikoz".
Atalǵan fakti boiynsha áskeri-tergeý basqarmasy qylmystyq is qozǵady.
Jaǵdai ishki ister ministriniń orynbasary – Qazaqstan Respýblikasy IIM Ulttyq ulanynyń Bas qolbasshysynyń jeke baqylaýyna alyndy.
"Qazaqstan Respýblikasy Ulttyq ulanynyń qolbasshylyǵy men jeke quramy orny tolmas shyǵynǵa bailanysty marqumnyń týystary men jaqyndaryna qaiǵyryp kóńil aitady", – dep jazdy Ulttyq ulannyń baspasóz qyzmeti.
Buǵan deiin Mańǵystaý oblysyndaǵy áskeri bólimde 7 ai boryn ótegen sarbaz jyndyhanaǵa qalai túskenin aityp bergen bolatyn.
