Shymkenttik politseiler liftide balaly áielge shabýyl jasaǵan kúdiktini izin sýytpai ustady, dep habarlaidy QazAqparat.
Esterińizge sala keteiik, 25 mamyrda Shymkent qalasy Qarataý politsiiasyna jergilikti turǵynnan aryz tústi.
Áiel óz shaǵymynda úidiń liftinde belgisiz adamnyń zorlaýǵa oqtalǵanyn aitty.
Atalǵan jaitty politsiia qyzmetkerleri QR QK 24-120-baby boiynsha tirkeýge aldy.
Jasalǵan qylmystyń aýyrlyǵy men kúdiktiniń batyldyǵyn eskere otyryp, politsiia departamenti er adamnyń jeke basyn anyqtaýǵa jáne ony ustaýǵa baǵyttalǵan tájiribeli jedel ýákilderden turatyn arnaiy top qurdy.
Is politsiia departamenti basshylyǵynda erekshe baqylaýǵa alyndy.
Jedel-izdestirý sharalary barysynda politsiia qyzmetkerleri birneshe saǵat ishinde kúdiktiniń kim ekenin anyqtady.
Ol jas jigit megapolis turǵyny bolyp shyqty.
Jedel top ókilderi ony qylmystyq jaýapkershilikten qashpaq bolǵan jerinen Shieli beketindegi poezd vagondarynyń birinde quryqtady.
Ol túnde Qarataý aýdandyq politsiia basqarmasyna jetkizildi.
Qazirgi tańda sotqa deiingi tergeý amaldary júrip jatyr. Kúdikti qamaýda. Politseiler oqiǵanyń mán-jaiyn anyqtap jatyr.
