5 shildeden bastap Shymkent qalasynda qoǵamdyq kóliktiń 20 paiyzy ǵana jumys isteýde. Olardyń qatarynda «IaNS» JShS, «IaNS-2» JShS, «Ekspress» JShS, №4 avtokombinat bar, dep habarlaidy QR Kásipodaqtar federatsiiasy saity.
Qoǵamdyq kólikterdiń qysqartylýynyń basty sebepteriniń biri – sanitarlyq-epidemiologiialyq talaptardyń saqtalmaýy bolyp otyr. Osy oraida, Shymkent qalasynyń Avtomobil kóligi jáne jol kásiporyndarynyń jergilikti kásipodaǵy qoǵamdyq kólikter men avtobýs turaqtarynda zalalsyzdandyrý jumystarynyń júrgizilýin baqylaýǵa aldy.
Búginde Shymkent qalasynyń bas dárigeriniń №25 qaýlysyna sáikes, karantindik rejimniń kúsheitilgeni málim. Sondyqtan da, dezinfektsiia jumystary turaqty túrde júrgizilýde. Sondai-aq, jolaýshylardyń betperdemen kirýi jáne qoǵamdyq kólikterdiń ishinde araqashyqtyqtyń saqtalýy qatań baqylaýǵa alynǵan.
