Foto: ashyq derekkózden
Shymkentte qazaqstandyqtardy 56 mln teńgege aldaǵan áiel sottaldy, – dep habarlaidy "Ult aqparat" Polisia.kz portalyna silteme jasap.
34 jastaǵy alaiaqtyqtyń qurbany bolǵandardyń qatarynda Taraz, Túrkistan oblysy jáne Shymkenttiń 53 turǵyny bar.
Aram piǵyldy azamatsha olardy elektronika dúkenderiniń biriniń filialdarynan taýarlyq nesie alýǵa kóndirgen. Qaryzdy tólemeýge bolatynyn jetkizgen ol bul saýda núkteleri jaqyn arada jumysyn toqtatyp, tolyǵymen jabylady dep sendirgen. Aferist áiel nesiege rásimdelgen elektronikany "qurbandarynan" jarty somasyna satyp alyp otyrǵan.
Alaiaqqa urynǵanyn sengish azamattar ai saiynǵy tólem týraly eskertý-habarlama túsken kezde bir-aq bilgen.
"Bul jait boiynsha politseiler Qylmystyq kodekstiń 190-babymen sotqa deiingi tergeý júrgizdi. Ustalǵan azamatshanyń kinásin dáleldeitin aiǵaqtardy jinap, tergeýshiler qylmystyq isti sotqa jiberdi. Sot úkimimen oǵan 4,5 jylǵa bas bostandyǵynan aiyrý jazasy taǵaiyndaldy" - delingen habarlamada.
