Shymkentte kásipkerdiń basyn baltamen shaýyp óltirgen jigit 20 jylǵa sottaldy. Ol jábirlenýshini tiridei órtep jibergen, dep habarlaidy "Ult aqparat".
Aiyptalýshy jazasyn óteý merziminiń kóp bóligin qaýipsizdigi qatańdatylǵan túzeý mekemesinde óteidi. Sot úkimi oqylǵan kezde kúdikti kóz jasyna erik berdi. Tipti sot úkimimen kelispeitinin jetkizdi.
Aita keteiik, jantúrshigerlik qylmys naýryz aiynda bolǵan edi. 30 jastaǵy sottalýshy ózi óltirgen kásipkerge biznes úshin jalǵan qujattar jasap, jer satpaq bolǵan. Alaida bylyqtyń beti ashylǵan kezde ekeýiniń arasynda janjal týyndaidy. Sol kezde ol úiine kelgen biznesmendi baltamen shaýyp, birneshe ret soqqy jasaǵan. Keiin jábirlenýshiniń kóligin alyp, qanǵa malynǵan deneni eshkim joq jerge jaǵyp jibergen. Kóliktegi 500 myń teńgesin de qoldy etipti. Tergeý barysynda qylmysy tolyǵymen dálelin tapqan.
«Tergeý kezinde aiyptalýshy jábirlenýshini qalai óltirgenin, is áreketin qalai jasaǵanyn bárin kórsetip berdi. Kásipkerdiń ol kezde tiri bolǵanyn, mashinada otyrǵan kezde qyrdyń basyna aparyp qoiyp, keiin baryp jaǵyp jibergenin bárin ózi aityp otyr. Sondyqtan ony asa qatygezdikpen áreket jasady dep, sot ony 99 baptyń 5-shi bóligi 1-shi tarmaǵymen kináli dep tapty», - dedi isti qaraǵan sýdia Sameddin Temiráliev.
