Shymkent qalasynyń aýmaǵynda 12 qazannan bastap karantindik shekteý sharalary uzartylady, dep habarlaidy "Ult aqparat".
«Shymkent qalasynyń aýmaǵynda 2020 jylǵy 12 qazan saǵat 00.00-den bastap 2020 jylǵy 26 qazan saǵat 00.00-ge deiin karantindik shekteý sharalary uzartylsyn», - delingen Shymkent qalasynyń bas memlekettik sanitariialyq dárigeri Ábdimanap Tólebaevtyń qaýlysynda.
Qaýlyǵa sáikes demalys jáne mereke kúnderi jabyq azyq-túlik pen azyq-túlik emes bazarlardyń (qabyrǵalary, terezeleri/vitrajdary bar úi-jailar, ǵimarattar, qurylystar) qyzmeti toqtatylady. Sondai-aq demalys jáne mereke kúnderi syiymdylyǵy 30 paiyzdan aspaityn jáne bir kelýshige 4 sharshy metrlik keńistik tártibin saqtaýmen azyq-túlik bazarlary men jármeńkelerdiń, azyq-túlik emes bazarlardyń qyzmeti saǵat 06.00-den 18.00-ge deiin shektelgen. Jármeńkelerdiń jumysy kúsheitilgen sanitariialyq-dezinfektsiialyq rejimdi saqtai otyryp uiymdastyrylyp, onyń ishinde dezinfektsiialyq tonnelderdi jáne sanitaizerlerdi ornatý mindetti.
«Kinoteatrlardyń (ashyq alańda ornalasqan kinoteatrlardy qospaǵanda), tsirk, saýda-oiyn saýyq keshenderi men ortalyqtardyń, saýda úileriniń ishindegi balalardyń oiyn alańdarynyń, muz alańdarynyń, batýttar men fýdkorttardyń jumysyna tyiym salynsyn. Ashyq alańdaǵy kinoteatrlardyń jumysy betperde kiiý rejimi, áleýmettik qashyqtyq saqtalǵan jaǵdaida qalypty rejimde ruqsat etilsin», - delingen qaýlyda.
