Shymkentte epidemiologiialyq jaǵdai turaqtalyp keledi. Búginde qalada COVID-19 virýsyn juqtyrǵandar sany - 4480, ósim 1 paiyzdy qurap otyr, dep habarlaidy "Ult aqparat".
Qala ákimdiginiń málimetinshe, qaýipti indetten 2 770 adam jazylyp shyqqan. Iaǵni, naýqastardyń 62 paiyzy emdelgen. Qazirgi tańda epidemiologiialyq jaǵdaidy turaqtandyrý maqsatynda infektsiialyq jáne provizorlyq statsionarlarda qysqa merzimde qosymsha 3050 tósek orny uiymdastyrylyp, oryn sany 3 860-qa jetkizilgen.
Onyń ishinde 650 infektsiialyq, 3 210 provizorlyq tósek oryn sanalady. Al, reanimatsiialyq 30 tósek-oryn sany 151-ge deiin kóbeitilgen. Budan bólek, qaladaǵy aýrýhanalarǵa qosymsha 58 IVL apparaty men 250 «Bobrov» tynys alý apparaty jáne 26 reanimatsiialyq monitor alynǵan.
Reanimatsiialyq orynnyń 88,7 paiyzy nemese 134 ÓJJ apparattarymen qamtylǵan. Ottegimen qamtylǵan oryn sany 861-ge nemese jalpy orynnyń 22,3 paiyzyna jetkizilgen. Sondai-aq, tumaý men ókpe qabyný belgilerimen jedel járdem shaqyrýshylar sany 26,6 paiyzǵa azaiyp otyr. Statsionarlarda em alýshylar sany 31,5 paiyzǵa tómendep, statsionarlardaǵy tósek orynnyń júktemesi 90,3 paiyzdan 47,5 paiyzǵa deiin kemigen.
