Foto: mayak1932.kz
Shymkentte belgisiz suiyqtyqtyń iisinen 22 adam ýlanyp qaldy, dep habarlaidy 24kz.
Oqys jaǵdai Eńbekshi aýdanyndaǵy turǵyn úi sektory aýmaǵynda bolǵan.
Kýágerlerdiń aitýynsha, júk kóligine tielgen 800 litrlik temir bóshkeden suiyqtyq tógilip, gaz ben bý aýaǵa taraǵan. Sonyń kesirinen turǵyndardyń júregi ainyp, ózderin jaisyz sezingen.
Zardap shekkender alǵashqy meditsinalyq kómek alyp, toksikologiia ortalyǵyna jetkizildi.
Dárigerlerdiń tekserýinen keiin olardyń barlyǵy úilerine jiberilgen.
Ekologtar men sanitarlyq-epidemiologiialyq baqylaý departamentiniń mamandary suiyqtyq tógilgen aýmaqtan synama alyp, zerthanalyq taldaýlar júrgizdi. Boljam boiynsha aýada ammiak, propan, metan, kómirsýtekti munai gazynyń artyq mólsheri bar. Zertteý qorytyndysy aldaǵy ýaqytta belgili bolady.
"13 naýqas jedel járdemmen, qalǵan naýqastar óz betinshe bizge kelip kómekke júgindi. Sonyń ishinde biz 9 naýqasqa statsionarlyq em kórsettik. Olardyń barlyǵy úiine jiberildi, ambýlatorlyq ýchaskelik dárigerlerdiń baqylaýynda bolady. Qazirgi tańda eshqandai qaýip joq", - dedi qalalyq giperbarikalyq oksigenatsiia ortalyǵynyń bas dárigeri Madina Ermaǵanbetova.
