فوتو: mayak1932.kz
شىمكەنتتە بەلگٸسٸز سۇيىقتىقتىڭ يٸسٸنەن 22 ادام ۋلانىپ قالدى, دەپ حابارلايدى 24kz.
وقىس جاعداي ەڭبەكشٸ اۋدانىنداعى تۇرعىن ٷي سەكتورى اۋماعىندا بولعان.
كۋەگەرلەردٸڭ ايتۋىنشا, جٷك كٶلٸگٸنە تيەلگەن 800 ليترلٸك تەمٸر بٶشكەدەن سۇيىقتىق تٶگٸلٸپ, گاز بەن بۋ اۋاعا تاراعان. سونىڭ كەسٸرٸنەن تۇرعىنداردىڭ جٷرەگٸ اينىپ, ٶزدەرٸن جايسىز سەزٸنگەن.
زارداپ شەككەندەر العاشقى مەديتسينالىق كٶمەك الىپ, توكسيكولوگييا ورتالىعىنا جەتكٸزٸلدٸ.
دەرٸگەرلەردٸڭ تەكسەرۋٸنەن كەيٸن ولاردىڭ بارلىعى ٷيلەرٸنە جٸبەرٸلگەن.
ەكولوگتار مەن سانيتارلىق-ەپيدەميولوگييالىق باقىلاۋ دەپارتامەنتٸنٸڭ ماماندارى سۇيىقتىق تٶگٸلگەن اۋماقتان سىناما الىپ, زەرتحانالىق تالداۋلار جٷرگٸزدٸ. بولجام بويىنشا اۋادا اممياك, پروپان, مەتان, كٶمٸرسۋتەكتٸ مۇناي گازىنىڭ ارتىق مٶلشەرٸ بار. زەرتتەۋ قورىتىندىسى الداعى ۋاقىتتا بەلگٸلٸ بولادى.
"13 ناۋقاس جەدەل جەردەممەن, قالعان ناۋقاستار ٶز بەتٸنشە بٸزگە كەلٸپ كٶمەككە جٷگٸندٸ. سونىڭ ٸشٸندە بٸز 9 ناۋقاسقا ستاتسيونارلىق ەم كٶرسەتتٸك. ولاردىڭ بارلىعى ٷيٸنە جٸبەرٸلدٸ, امبۋلاتورلىق ۋچاسكەلٸك دەرٸگەرلەردٸڭ باقىلاۋىندا بولادى. قازٸرگٸ تاڭدا ەشقانداي قاۋٸپ جوق", - دەدٸ قالالىق گيپەرباريكالىق وكسيگەناتسييا ورتالىعىنىڭ باس دەرٸگەرٸ مادينا ەرماعانبەتوۆا.
