Foto: Optimism.kz
16–30 tamyz aralyǵynda Shymkentte nysana kózdeý jáne stend atýdan 16-shy Aziia chempionaty ótedi. Dodaǵa Bahrein, Qytai, Japoniia, Ońtústik Koreia, Úndistan jáne basqa da 26 elden 800-den astam sportshy qatysady, dep habarlaidy Ult.kz.
Jasóspirimder, jastar jáne eresekter eki apta boiy Shymkent Shooting Plaza sport kesheninde tapansha, vintovka, jyljymaly nysana jáne stend atýdan jekelei jáne komandalyq syndarda baq synaidy. Chempionatta 700-den astam medal sarapqa salynady.
Bairaqty básekege Halyqaralyq nysana kózdeý federatsiiasynyń prezidenti Lýchano Rossi men Aziia nysana kózdeý qaýymdastyǵynyń prezidenti sheih Salman ál-Sabah bastaǵan sport uiymdarynyń jetekshileri keledi.
Jarys Qazaqstandyq sporttyq atý federatsiiasynyń uiymdastyrýymen jáne QR Týrizm jáne sport ministrliginiń qoldaýymen ótedi.
