Sýret: Otyrar.kz
Shymkentte 3 jasar búldirshin motor suiyqtyǵyn iship, aýyr halde aýrýhanaǵa tústi. Balanyń aýzyn, óńeshin, asqazanyn kúiik shalǵan degen diagnoz qoiyldy, dep habarlaidy "Ult aqparat" Otyrar.kz saityna silteme jasap.
Qazir anasymen birge aýrýhanada jatqan 3 jasar Arman bilmestikten tejegishke arnalǵan suiyqtyq iship qoiǵan. Bala birden aýyryp, ata-anasy dabyl qaǵyp, jedel járdem shaqyrǵan. Búldirshin aýrýhanaǵa jatqyzyldy. Dárigerler aýyz qýysynyń, óńeshiniń jáne asqazanynyń qatty kúiip qalǵanyn anyqtady.
«Meniń kúieýim kólik jóndeýshi, sondyqtan bul suiyqtyq úide boldy. Al meniń balam ony abaisyzda iship qoiǵan», – deidi anasy.
Dárigerler de balaǵa qatty toksikalyq ýlaný diagnozyn qoiǵan. Emdeýden keiin sábidiń jaǵdaiy jaqsaryp, palataǵa aýystyryldy.
«Bala bizge eki kún buryn keldi. Qazir bakteriiaǵa qarsy preparattar, túrli jaqpa mailar alyp, em alyp jatyr», – deidi Giperbarikalyq ottegimen qamtamasyz etý ortalyǵynyń toksikology Marat Kákenov.
Al jýyrda sirke qyshqylyn ishken 5 jasar náreste aýyr halde giperborly ottegimen qamtamasyz etý ortalyǵyna túsken. Onyń aýzy jáne óńeshi kúiip qalǵan, biraq qazir bala óz betimen tamaqtanyp jatyr, jaǵdaiy qanaǵattanarlyq.
Dárigerler ata-analardan kaýstikalyq suiyqtyqtardy balalardyń qoly jetpeitin jerde saqtaýdy suraidy.
