Respýblika boiynsha koronavirýsqa bailanysty epidemiologiialyq jaǵdai Shymkentte jaqsarǵan. Bul týraly qala ákimi Murat Áitenov Prezident joldaýyn júzege asyrý maqsatynda ótken aktiv otyrysynda aitty, dep habarlaidy "Ult aqparat".
«Qalada ótken úsh táýlikte koronavirýs infektsiiasyn juqtyrǵan bir de bir naýqas tirkelmedi. Virýs juqtyrý deńgeiiniń tómendeýine qalada júrgizilip jatqan aldyn alý jumystary septigin tigizdi. Alaida, Prezidentimiz aitqandai qalypty ómir saltyna qaita kóshýimiz úshin áli de bolsa karantin talaptaryna sáikes saqtyq sharalaryn kúsheitý qajet», - dedi ákim.
Aita keteiik, Shymkent qalasynda búginge deiin Sovid-19 juqtyrýdyń 5 174 jaity tirkeldi. Onyń ishinde 2 639 – simptomdy, 2 535 – simptomsyz jaǵdai. Al 4 498 naýqas koronavirýs infektsiiasynan jazylyp shyqty.
