QMA Shymkent qalasy boiynsha departamenti "AÓK damytýdyń 2017-2021 jyldarǵa arnalǵan" baǵdarlamasy aiasynda bólingen biýdjet qarajatyn jymqyrý faktisi boiynsha sotaldy tergeýdi aiaqtady, - dep habarlaidy "Ult aqparat" Qarjy monitoringi agenttigine silteme jasap.
"Óńir turǵyny 2020 jyly senimhattar negizinde 2 sharýa qojalyǵy atynan Shymkent qalasynyń Aýyl sharýashylyǵy jáne veterinariia basqarmasyna asyl tuqymdy qoi satyp alýǵa jáne jem-shóp shyǵyndaryn óteýge 13,5 million teńgege ótinim bergen. Alaida sotaldy tergeý aiasynda asyl tuqymdy qoilar satyp alynbaǵany, alynǵan biýdjet qarajaty jeke qajettilikterge jumsalǵany anyqtaldy. Keltirilgen zalal tolyq óteldi", - delingen habarlamada.
Sot úkimi boiynsha er adam kináli dep tanylyp, 5 jylǵa shartty túrde bas bostandyǵynan aiyrý jazasy taǵaiyndalǵan.
