Shymkenttiń bas sanitar-dárigeri adamdardyń kóp jinalýyna bailanysty kez-kelgen is sharalardy ótkizýge tyiym salatyn jańa qaýly shyǵardy, dep habarlaidy "Ult aqparat".
Jańa qaýlyǵa sáikes, keńse qyzmetkerleriniń 50%-yn qashyqtyqtan jumys isteýge kóshirý mindettelgen. Toltyrylýy 50%-ǵa deiin, biraq 50 orynnan aspaityn ashyq aýada jumys isteitin qoǵamdyq tamaqtandyrý obektileriniń jáne ǵimarattarda ornalasqan obektilerdiń jumys kúnderi, demalys jáne mereke kúnderi saǵat 07:00-den 22:00-ge deiingi ýaqytqa shektelgen. Qoǵamdyq tamaqtaný oryndarynda kaliandardy paidalanýǵa tyiym salynady. Jetkizý jáne shyǵarý rejiminde jumys isteitin qoǵamdyq tamaqtaný nysandary qalypty jumys istei bermek. Mektepterde ornalasqan ashanalardyń jáne banket zaldardyń jumysyna tyiym salynyp, sondai-aq qoǵamdyq tamaqtaný oryndarynda túrli is-sharalardy ótkizýge tyiym salynǵan. SPA-ortalyqtary, ásemdik salondary, shashtaraz, kosmetikalyq jáne kosmetologiialyq qyzmetter, manikiýr jáne pedikiýr qyzmetterin kórsetetin ortalyqtary men salondardyń (aldyn ala jazylý boiynsha bir kelýshige 4 sharshy metr saqtalýymen) jumys ýaqytyn 09:00-den 22:00-ge deiin shekteýmen qyzmet kórsetedi.
Al, jeksenbi kúni SPA ortalyqtarynyń jumysyna tiym salynǵan. Qoǵamdyq monshalar men saýnalar jumys kúnderi syiymdylyǵy 50% aspaityn tiártippen qyzmet kórsetse, jeksenbi kúni saýnalardyń jumysy toqtatylatyn boldy. Al, balalardyń oiyn-saýyq ortalyqtarynyń (oiyn alańdary, jabyq úi-jailardaǵy attraktsiondar), tsirkterdiń jumysyna tyiym salynǵan.
Sondai-aq, mádeniet nysandarynyń, teatrlardyń, kontserttik zaldardyń, tsirkterdiń (syiymdylyǵy 20% adamnan aspaityn, biraq 100 adamnan artyq emes, «InfoKazakhstan.kz» portalda tirkelýimen, betperde kiiý rejimi, áleýmettik qashyqtyq jáne QR BMSD №67 qaýlysynyń talaptary saqtalǵan jaǵdaida) kitaphanalardyń, murajailardyń jumysy qalypty rejimde uiymdastyrylmaq. Dini obektileriniń (meshitter, shirkeýler, soborlar, sinagogtar jáne taǵy basqalar) jumysy,ujymdyq Qudaiǵa qulshylyq etýsiz, onyń ishinde juma namazy, taraýih namazy kúsheitilgen sanitariialyq-dezinfektsiialyq rejimde oqylatyn boldy. Kóńil kóterý mekemeleriniń (biliard, karaoke, kompiýterlik klýbtar, túngi klýbtar, boýling ortalyqtary jáne taǵy basqalar), býkmekerlik kontorlarynyń jáne oiyn klýbtarynyń, onyń ishinde onlain rejiminde ótkiziletin lotereia utys oiynyn júrgizýdi qospaǵanda, lotoreia utys oiynyn júrgizýge tyiym salynǵan.
Kinoteatrlardyń jumysy (syiymdylyǵy 20% aspaityn, «InfoKazakhstan.kz», portalda tirkelýin, betperde kiiý rejimin, áleýmettik qashyqtyq saqtaýmen,shahmattyq retpen otyrýyn jáne QR BMSD №67 qaýlysynyń talaptary saqtalǵan jaǵdaida) saǵat 09:00-den 22:00-ge deiin ýaqytpen jumysy shektelgen. Kontingenti 300 oqýshyǵa deiin qalalyq jáne aýyldyq mektepterde synyptardaǵy balalar sanyn 25 adamnan asyrmai dástúrli formatta oqytýǵa ruqsat etildi.
«Jalpy bilim beretin mektepterde 1 - den 5-synyptardy qosa alǵanda, halyqaralyq mektepterde 1-den 7-synyptardy qosa alǵanda, synyptardyń jinaqtalýyn 25 adamnan asyrmai aralas formatta oqytylady. 9, 11 (12) syndy bitirý synyptary úshin aptanyń 6 kúni ishinde aralas oqytý: pánderdiń 70% - y shtattyq rejimde, 30% - y qashyqtyqtan (synypta 25 adamnan artyq emes, áleýmettik qashyqtyqty saqtai otyryp, 1 - synyp-1-kabinet qaǵidaty boiynsha oqytý, bir mezgilde mektepte jobalyq qýattyń 30%-dan aspaityn bolýy, sanitariialyq-dezinfektsiialyq rejimdi jáne betperde rejimdi kúsheitý saqtalsyn) talap etiledi. Bilim berý uiymy ákimshiliginiń sheshimi boiynsha sabaqtan tys ýaqytta 15 adamnan aspaityn toptarda oqýshylar jeke oqytylady» delingen qaýlyda.
