QR Premer-Ministri Asqar Mamin sýmen jabdyqtaý salasyna avtomattandyrý jáne innovatsiialyq tehnologiialardy engizý qarqynyn arttyrýdy tapsyrdy. Bul turǵyndardyń eleýli qarajatyn únemdep, sý shyǵyny men qyzmet kórsetý shyǵyndaryn azaitady, dep habarlaidy QazAqparat.
«Bizdiń aldymyzda 2025 jyldyń sońyna deiin halyqty taza aýyz sýmen 100% qamtamasyz etý mindeti tur. Ony sheshý joldary Nur Otan partiiasynyń baǵdarlamasy men óńirlerdi damytý jónindegi ulttyq joba aiasynda kózdelgen. Osy jyldyń qorytyndysy boiynsha aýyz sýmen qamtamasyz etý aýyldarda – 91,8%, qalalarda – 98% bolady. Qalǵan aýyldyq eldi mekenderdi sapaly aýyz sýmen qamtamasyz etý jumystary jalǵasady», - dedi Asqar Mamin Úkimettiń búgingi otyrysynda.
Úkimet basshysy aýyz sýmen qamtamasyz etý kórsetkishteri tómen óńirler jumysty jandandyryp, kelesi jyly ortasha respýblikalyq deńgeige qol jetkizýi keregin aitty. Ásirese Qostanai, Shyǵys Qazaqstan, Soltústik Qazaqstan jáne Jambyl oblystary ataldy.
«Bul rette eldi mekender ishinde sýmen jabdyqtaý jobalary toptyq sý qubyrlarynyń infraqurylymyn salý josparlarymen bir ýaqytta júrgizilýi tiis. Ákimdikter aýyldardy sýmen jabdyqtaý boiynsha jobalaý-smetalyq qujattamany ýaqtyly ázirleý jumystaryn jandandyrsyn.
Salany avtomattandyrý jáne innovatsiialyq tehnologiialardy engizý qarqynyn arttyrý qajet. Shymkent pen Nur-Sultan qalalarynda óndiristik protsesterdi avtomattandyrý jáne esepteý aspaptaryn ornatý esebinen turǵyndardyń eleýli qarajaty únemdelip, sý shyǵyny men qyzmet kórsetý shyǵyndary azaidy. Osyndai tásilderdi eldiń basqa óńirlerinde de qoldaný qajet», - dedi Premer-ministr.
