Almatylyq belsendiler «Shymbulaq» taý-shańǵy kýrortynda fristail jarysyna arnalǵan jerde shyrshalardyń tutas baýraiy kesilip jatqanyn aityp shaǵymdandy. Ákimdik bul aqparatty teriske shyǵardy, dep habarlaidy "Ult aqparat".
«Jaqynda «Shymbulaq» taý shańǵy kýrortynda fristail jarysyna arnalǵan jerde shyrshalardyń kesilip jatqanyn bildim. Otalǵan aǵashtardy taý baýraiyna tastaǵan. Ol jerden eshteńe kórinbeidi», - dep jazdy Facebook paraqshasynda ekobelsendi Saltanat Táshimova.
Qalalyq jasyl ekonomika basqarmasynyń baspasóz qyzmeti bul aqparattyń shyndyqqa janaspaitynyn habarlady.
«Sońǵy kúnderi áleýmettik jelilerde «Shymbulaq» taý shańǵy kýrortynda fristail jarysyna arnalǵan jerde shyrshalardyń tutas baýraiy kesilgeni týraly jariialanym paida boldy. Bul aqparat shyndyqqa sáikes kelmeidi. «Medeý» saiabaǵy bul aýdanda ormandy kesý boiynsha eshqandai jumys júrgizgen joq, óitkeni buryn bul baýraida jasyl jelek óspegen. Bul jer keńes ókimeti kezinde akrobatikany oqytý úshin qoldanylǵanyn eskertemiz», - dep atap ótti Almaty qalalyq jasyl ekonomika basqarmasy.
