Foto: RIA Novosti/Aleksei Maishev
Shyǵys Qazaqstan oblysynda shahta jumysshysy qaza boldy. Er adamnyń neden kóz jumǵanyn arnaiy komissiia anyqtap jatyr, dep habarlaidy Sputnik Qazaqstan agenttigi YK-news.kz portalyna silteme jasap.
Qaiǵyly oqiǵa Artemev shahtasynda bolǵan.
KAZ Minerals toby korporativtik bailanys departamentiniń menedjeri Ermek Dúzkenevtiń aitýynsha, 25 naýryz kúni burǵylaýshynyń kómekshisi óli kúiinde tabylǵan.
"Ne bolǵany ázirge túsiniksiz. Mundai jaǵdaida komissiia qurylady, onyń quramyna memlekettik jáne quqyq qorǵaý organdary, bizdiń mamandar kiredi. Oqiǵanyń mán-jaiyn komissiia anyqtaidy. Biraq ólim sebebi topyraqtyń opyrylýyna, qulaýyna nemese basqa da tehnogendi jaǵdailarmen bailanysty emes ekenin atap ótkim keledi", - dedi ol.
KAZ Minerals tobynyń basshylyǵy men ujymy marqumnyń jaqyndaryna kóńil aitty. Kompaniia onyń otbasyna qajetti kómekti kórsetedi.
