Shyǵys Qazaqstan oblysynda qutqarýshylar joǵalyp ketken eki adamdy tapty, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, Altai aýdany Qarakól aýylynan Jańa Buqtyrma kentine bet alǵan 1988 jylǵy áiel men 1986 jylǵy er adam joǵalyp ketken.
«Habar túsken soń qutqarýshylar qarda júretin arnaiy tehnikamen shuǵyl izdeýge shyqty. Joǵalǵandar Buqtyrma sý qoimasynyń jaǵasynan tabylǵan. Olardyń ómirine eshqandai qaýip tónip turǵan joq. Qutqarýshylar ekeýin jaqyn mańdaǵy eldi mekenge jetkizdi», - dep habarlady vedomstvo ókilderi.
TJD mamandary óńir jurtshylyǵyna jolǵa shyqqan kezde jaqyndaryńyzǵa óz baǵytyńyz týraly aitý qajettigin eskertedi. Sondai-aq ózińizben jyly kiim, qýattalǵan uialy telefon bolýy tiis. Qandai da bir qiyndyqqa tap bolǵan jaǵdaida dereý «112» nómirine habarlasý qajet.
