Shyǵys Qazaqstan oblysynda taǵy birneshe jolda kólik qozǵalysy shekteldi, dep habarlaidy "Ult aqparat".
«Qazaqavtojol» JShS Shyǵys Qazaqstan oblystyq filialynyń málimetine súiensek, 25 aqpanda saǵat 18:20-dan bastap kúnniń buzylýyna, naqty aitqanda boran soǵyp, joldyń durys kórinbeýine bailanysty respýblikalyq mańyzy bar «Óskemen-Shemonaiha-RF shekarasy» tasjolynyń 15-102 shaqyrymynda jáne «Óskemen-Ridder-RF shekarasy» tasjolynyń 15-105 shaqyrymynda júk kólikteri men avtobýstardyń qozǵalysy shekteldi.
Osy rette, oblystyq Tótenshe jaǵdailar departamenti turǵyndarǵa alys saparǵa shyqpaýǵa, joldardyń jai-kúiin «Dármen» mobildi qosymshasy arqyly tekserip otyrýǵa keńes beredi.
