Shyǵys Qazaqstan oblysynda biýlletenderge engizilgen 232 kandidattyń ishinen 77 aýyl ákimi sailandy, dep habarlaidy "Ult aqparat".
ShQO Aqparat ortalyǵynyń málimetine súiensek, sailaýda bes partiianyń ókilderi men ózin-ózi usynǵan kandidattar jeńiske jetti. Ákimderdiń 46-sy óz aýyldyq okrýgteri boiynsha qaita sailansa, 4-i basqa okrýgtiń ákimi boldy.
Eń jas ákim Darhan Tóleýhanov 29-da. Endi ol Ulan aýdany Aiyrtaý aýyldyq okrýginiń ákimi laýazymyn atqarady. Al Úrjar aýdany Maqanshy aýyldyq okrýginiń jańa basshysy atanǵan 61-degi Sovetqan Qaliev jasy eń úlken ákim bolyp otyr.
«77 ákimniń 8-i áiel adam. Bilimderine qatysty aitar bolsaq, aýyl ákimderi arasynda 23 muǵalim, 16 zańger, 15 aýyl sharýashylyǵy salasynyń qyzmetkeri, 9 ekonomist, 8 injener jáne 6 basqa mamandyq ókili bar. Qazirgi ýaqytta aýdan ákimderi sailanǵan aýyl ákimderin turǵyndarǵa tanystyryp, birqatar tapsyrma júktedi», - delingen habarlamada.
