Shyǵys Qazaqstan oblysynda 8 adamǵa raqymshylyq jasaldy, dep habarlaidy QazAqparat.
ShQO koloniialarynan 8 sottalǵan azamat raqymshylyqpen bosatyldy. Olarǵa raqymshylyq soty Shyǵys Qazaqstan oblysynda onlain rejimde ótti.
Sot qaýlysy jariialanǵannan keiin sottalǵandar dereý bosatyldy.
Sottalǵandardy týystary da qýana qarsy aldy. Olardyń bireýi Óskemendegi 156/1 ýaqytsha ustaý izoliatorynda otyrǵan azamat.
– Men alaiaqtyq boiynsha sottaldym. Jańa jyl qarsańynda bostandyqqa shyǵýym apam úshin tosynsyi boldy. Munda otyrǵan jyldary kóp sabaq aldym, – deidi Vladislav Slobodskoi.
Aita keteiik, buǵan deiin túzetý mekemesinde jazasyn ótep jatqan azamattarǵa Táýelsizdiktiń 30 jyldyǵyna bailanysty raqymshylyq týraly zań túsindirilgen.
