Shyǵys Qazaqstan oblysynda 2021 jyly perzenthanalardy jabdyqtaý úshin arnaiy baǵdarlama iske asyrylady, dep habarlaidy "Ult aqparat".
Óńirde meditsinalyq kómektiń sapasyn arttyrý maqsatynda ana men balanyń densaýlyǵyn saqtaý jóninde arnaiy baǵdarlama iske asyrylýda. Sonyń nátijesinde, 3 aýyldyq meditsinalyq uiymdy I deńgeige, 9 aýdandyq jáne 2 aýdanaralyq aýrýhanany I deńgeiden II deńgeige aýystyrý josparlanǵan. Bul qiyn jaǵdaidaǵy áielderdi bosandyrýǵa jáne salmaǵy 1500 gramnan bastalatyn nárestelerdi kútýge múmkindik beredi.
«Sondai-aq III deńgeili perzenthanalar da tiisti jabdyqtarmen qamtylady. Osylaisha salmaǵy 500 gramnan asatyn nárestelerdi kútýge múmkindik týmaq. Jalpy 2021 jyly 3,3 mlrd teńgege ana men balanyń densaýlyǵyn saqtaýǵa qajetti meditsinalyq jabdyqtar satyp alynady», - dedi Danial Ahmetov halyqqa esep berý barysynda.
Onyń aitýynsha, óńirde balalar men eresekterge arnalǵan mamandandyrylǵan gematologiia ortalyǵynyń qurylysy jalǵasýda. Bul meditsinalyq mekeme 2022 jyly paidalanýǵa berilmek.
«Osylaisha, gematologiia, iadrolyq meditsina, robottandyrylǵan hirýrgiia ortalyqtaryn biryńǵai júiege biriktire otyryp, meditsinalyq týrizmdi damytýǵa negiz bolatyn qýatty meditsinalyq klaster qurylady. Budan bólek, osy jyly meditsina salasynyń mamandaryn oqytýdyń úsh deńgeili baǵdarlamasyn 3 jylǵa (2021-2024 jj.) túzetý, Semei qalasynyń Jedel meditsinalyq járdem aýrýhanasynyń patsientteri men meditsinalyq personaly qaýipsizdiginiń halyqaralyq standartyna sáikes JCI attestattaýdy ótkizýdi, Iadrolyq meditsina ortalyǵynyń bazasynda radioiodterapiia júrgize otyryp, radionýklidtik terapiia bólimshesin ashýdy kózdep otyrmyz», – dedi aimaq basshysy.
