© AP Photo / J Pat Carter
"Áleýmettik meditsinalyq saqtandyrý qory" Shyǵys Qazaqstan oblysy boiynsha filialynyń joǵary laýazymdy tulǵalarynyń qatysýymen sybailas jemqorlyq shemasy ashyldy, dep habarlaidy Ult.kz.
Basqarma tóraǵasynyń orynbasary densaýlyq saqtaý sýbektisine halyqqa meditsinalyq qyzmet kórsetý úshin bólingen 400 mln teńgeden astam qarajatty júieli túrde urlady dep kúdiktelip otyr.
"Jymqyrý meditsinalyq uiymnyń "Damumed" aqparattyq júiesi arqyly júzege asyrylǵan. Mindetti áleýmettik meditsinalyq saqtandyrý sheńberinde Óskemen turǵyndaryna qyzmet kórsetilgeni týraly jalǵan málimetter engizilgen. Is júzinde meditsinalyq qyzmetter kórsetilmedi, otyz myńnan astam "tirkeýler" anyqtaldy", - delingen habarlamada.
Sonymen qatar, ol jeke meditsinalyq mekemeniń kásipkerlik qyzmetine zańsyz qatysyp, qordyń jymqyrǵan qarajatyn, onyń ishinde qymbat múlikti satyp alý arqyly zańdastyrdy dep kúdiktenedi.
Kúdikti sottyń sanktsiiasymen qamaýǵa alyndy. Tergeý jalǵasýda, sheneýnik pen qaramaǵyndaǵylardyń basqa qylmystyq epizodtarǵa qatysýy tekseriledi.
