Shyǵys Qazaqstan oblysy Kókpekti aýdanynda erli-zaiyptylar sýǵa batyp ketti, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 27 shilde kúni Kókpekti aýdanyndaǵy Buqtyrma sý qoimasyna eki adam batyp ketti.
«Erli-zaiyptylar jabdyqtalmaǵan jerde shomylyp júrgen. Kýágerlerdiń aitýynsha, jaǵadan alysqa júzip ketken 1978 jylǵy áiel bata bastaǵan. Muny kórgen 1966 jylǵy kúieýi kómekke birden asyqty. Alaida ol da óz kúshin durys baǵalamai, batyp ketti», - delingen habarlamada.
Qutqarýshylar atap ótkendei, adamdar kóbinese óz qabiletterine shamadan tys senimdiliktiń saldarynan sýǵa batady. Sý aidyndaryndaǵy jazataiym oqiǵalarǵa júrgizilgen taldaý nátijesine sáikes, kóz jumǵan azamattardyń kóbisi jaqsy júze alady. Sondai-aq jabdyqtalmaǵan sý aidyndarynda shomylý da qaiǵyly jaǵdailarǵa ákelip soǵýda.
