Shyǵys Qazaqstan oblysynda aiý atqan brakoner ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary óńir aýmaǵynda «Brakoner» jedel-aldyn alý sharasyn júrgizýde. Shara barysynda zańsyz aiý atqan Altai aýdanynyń 45 jastaǵy turǵyny ustaldy.
«Ol Turǵusyn aýylynyń mańynda aiýdy tuzaqqa ustap alǵan. Etin ózine alyp, terisin satý úshin daiyndaýǵa niettendi. Atalǵan fakti boiynsha QR QK-niń 337-babyna (Zańsyz ań aýlaý) sáikes sotqa deiingi tergeý amaldary bastaldy. Qazirgi ýaqytta memleketke keltirilgen shyǵyn somasy anyqtalýda», - dedi oblystyq PD bastyǵy Saǵat Mádiev.
Jedel aldyn alý sharasy bastalǵaly beri politseiler 200-den astam reid ótkizdi. Nátijesinde, tabiǵat qorǵaý zańnamasyn buzýdyń 420 faktisi tirkeldi.
